Current cases
17.01.11 - TPIR/NDAHIMANA - NDAHIMANA YATANGIYE KWIREGURA KU BWICANYI BW'I NYANGE
Arusha, 17 Mutarama 2011 (FH) - Uwahoze ari umuyobozi wa komini ukurikiranywe ahanini kubera ubwicanyi bwakorewe abatutsi bagera hafi ku 2000 bishwe muri Mata 1994, biciwe muri kiliziya yo muri komini yayoboraga, ku wa mbere yatangiye gutanga ibimenyetso bimushinjura mu rukiko mpanabyaha mpuzamahanga rwashyiriweho u Rwanda (TPIR).
17.01.11 - TPIR/NIZEYIMANA - URUBANZA RWA KAPITENI NIZEYIMANA RWARATANGIYE
Arusha, 17 Mutarama 2010 (FH) - Urubanza rwa kapiteni Ilidefonsi Nizeyimana, uregwa ibyaha bya jenoside, ibyaha byibasiye inyokomuntu n'ibyaha by'intambara, rwatangiye kuburanishwa ku wa mbere mu Rukiko mpanabyaha mpuzamahanga rwashyiriweho u Rwanda (TPIR).
19.11.10 - RWANDA/NDAHIMANA - UMUSHINJACYAHA YARANGIJE IBIMENYETSO MU RUBANZA RWA NDAHIMANA
Arusha, 19 Ugushyingo 2010 (FH) - Umushinjacyaha yarangije gutanga ibimenyetso bye ku wa gatanu mu rubanza rw'uwahoze ayobora komini Geregori Ndahimana, uburanishwa n'urukiko mpanabyaha mpuzamahanga rwashyiriweho u Rwanda (TPIR) kubera ibyaha bya jenoside n'ibyaha byibasiye inyokomuntu, nk'uko ibiro ntaramakuru Hirondelle byabihagazeho.
20.10.10 - TPIR/NZABONIMANA - URUBANZA RWA NZABONIMANA RWIMURIWE MURI GASHYANTARE 2011
Arusha, 20 Ukwakira 2010 (FH) - Urubanza rw'uwahoze ari minisitiri w'urubyiruko, Kalisiti Nzabonimana, ukurikiranywe n'urukiko mpanabyaha mpuzamahanga rwashyiriweho u Rwanda (TPIR) kubera ibyaha bya jenoside n'ibyaha byibasiye inyokomuntu, ku wa kabiri rwarasubitswe kuzageza kuri 28 Gashyantare 2011, kubera impamvu zijyanye na gahunda y'urukiko.
19.10.10 - TPIR/NIZEYIMANA - UMUSHINJACYAHA ARACYAHATANIRA GUTANGA INYANDIKO-MVUGO YA GATSINZI
Arusha, 19 Ukwakira 2010 (FH) - Ibiro by'umushinjacyaha mu rukiko mpanabyaha mpuzamahanga rwashyiriweho u Rwanda (TPIR), ntibyigeze bicika intege nyuma y'uko icyifuzo cyabo kigamije gutanga inyandiko y'ubuhamya bwa jenerali Gatsinzi mu kigwi cy'uko yiyizira we ubwe mu rubanza rwa kapiteni Ildephonse Nizeyimana cyanzwe.
12.10.10 - TPIR/NZABONIMANA - UMUGORE WA NTAGERURA YAJE GUSHINJURA NZABONIMANA
Arusha, 12 Ukwakira 2010 (FH) - Uwahoze ari minisitiri w'urubyiruko, Kalisiti Nzabonimana, uburanishwa n'urukiko mpanabyaha mpuzamahanga rwashyiriweho u Rwanda (TPIR), ku wa mbere ku gicamunsi mu gushyigikira ko atari ari aho ibyaha aregwa byakorewe igihe byakorwaga, yahamagaje umugore wa mugenzi we, uwo akaba ari uwahoze ari minisitiri wo gutwara abantu n'ibintu, Andereya Ntagerura, wagizwe umwere n'urukiko.
07.10.10 - TPIR/NIZEYIMANA - ITANGIRA RY’URUBANZA RWA KAPITENI NIZEYIMANA RYIMURIWE UMWAKA UTAHA
Arusha, 7 Ukwakira 2010 (FH) - Urukiko mpanabyaha mpuzamahanga rwashyiriweho u Rwanda (TPIR), rwimuriye ku itariki ya 17 Mutarama 2011 itangira ry'urubanza rwa kapiteni Ildephonse Nizeyimana, ubundi mbere rwari rwashyizwe ku itariki ya 1 Ugushyingo.
04.10.10 - TPIR/NIZEYIMANA - INYANDIKO Y’IBIREGO MU RUBANZA RWA NIZEYIMANA YASUBIWEMO BUNDI BUSHYA
Arusha, 4 Ukwakira 2010 (FH)- Urukiko mpanabyaha mpuzamahanga rwashyirweho u Rwanda (TPIR) rwahaye umushinjacyaha uburenganzira bwo guhindura bundi bushya ibirego yari yararushyikirije mu rubanza ruregwamo Kapiteni Ildephonse Nizeyimana rugomba gutangira kuburanishwa ku italiki ya mbere Ugushyingo.
13.09.10 - TPIR/NDAHIMANA - UMUTANGABUHAMYA ATI NO MU NSENGERO NTA GUTABARWA KWARIHO
Arusha, 13 Nzeli 2010 (FH) - Umuntu wacitse kw'icumu rya jenoside yo mu 1994 ku wa mbere yashinje uwahoze ari umuyobozi wa komini Geregori Ndahimana, ubu uburana mu rukiko mpanabyaha mpuzamahanga rwashyiriweho u Rwanda (TPIR), kuba yaranze gutabara abatutsi bari bahungiye muri kiliziya ya paruwasi ya Nyange (mu burengerazuba).
15.07.10 - TPIR/NZABONIMANA - URUBANZA RWA NZABONIMANA RWARASUBITSWE KUGEZA MU KWAKIRA
Arusha, 15 Nyakanga 2010 (FH) - Uguhamagaza abatangabuhamya kw'uwahoze ari ministri w'urubyiruko n'amashyirahamwe, Callixte Nzabonimana, uburana mu rukiko mpanabyaha mpuzamahanga rwashyiriweho u Rwanda( TPIR), ku wa kane kwarasubitswe kuzageza ku itariki ya 11 Ukwakira, kubera impamvu za gahunda y'urukiko.
