Appeals
14.03.12 - TPIR/KANYARUKIGA - URUBANZA RWA KANYARUKIGA RUZASOMWA KU WA 8 GICURASI MU BUJURIRE
Arusha, 14 Werurwe 2012 (FH) - Urugereko rw'ubujurire rw'urukiko mpanabyaha mpuzamahanga rwashyiriweho u Rwanda (TPIR), ku itariki ya 8 Gicurasi ruzasoma urubanza rw'umucuruzi Gasipari Kanyarukiga, wakatiwe imyaka 30 y'igifungo mu rugereko rw'iremezo nk'uko bikubiye mu cyemezo ibiro ntaramakuru Hirondelle byabonye ku wa gatatu.
14.12.12 - TPIR/KANYARUKIGA - UMUSHINJACYAHA YASABYE KO KANYARUKIGA AHANISHWA IGIHANO KIREMEREYE
Arusha, 14 Ukuboza 2011 (FH) - Urwego rw'ubushinjacyaha bw'Urukiko mpanabyaha mpuzamahanga rwashyiriweho u Rwanda (TPIR) ku wa gatatu rwasabiye igihano kiremereye Gasipari Kanyarukiga, umucuruzi wari warakatiwe igihano cy'igifungo cy'imyaka 30 mu rwego rw'iremezo.
14.12.11 - TPIR/NTAWUKULILYAYO - UWAHOZE ARI SUPEREFE YAGABANYIRIJWE IGIHANO YARI YARAHANISHIJWE
Arusha, 14 Ukuboza 2011 (FH) -Urukiko mpanabyaha mpuzamahanga rwashyiriweho u Rwanda (TPIR) ku wa gatatu rwagabanyije imyaka 5 ku gifungo cyari cyarahanishijwe Dominiko Ntawukulilyayo, wahoze ari superefe.
28.09.11 - TPIR/MUNYAKAZI - IGIHANO CY'UMUKAMBWE MUNYAKAZI CYAREMEJWE MU BUJURIRE
Arusha, 28 Nzeri 2011 (FH) Urugereko rw'ubujurire bw'Urukiko mpanabyaha mpuzamahanga rwashyiriweho u Rwanda (TPIR) ku wa gatatu rwemeje igihano cy'igifungo cy'imyaka 25 cyakatiwe Yusufu Munyakazi mu rwego rw'iremezo kubera ibyaha bya jenoside no kurimbura imbaga nk'icyaha cyibasiye inyokomuntu. Ubwunganizi bwe bwari bwasabiye uyu mucuruzi ko yagirwa umwere mu gihe ubushinjacyaha bwamusabiraga igihano cy'igifungo cya burundu.
28.09.11 - TPIR/SETAKO - UBUJURIRE BWEMEJE IGIHANO NUBWO YAHAMWE N'IBYAHA BIREMEREYE
Arusha, 28 Nzeri 2011 (FH) - Urugereko w'ubujurire rw'Urukiko mpanabyaha mpuzamahanga rwashyiriweho u Rwanda (TPIR) rwemeje igihano cy'igifungo cy'imyaka 25 cyahanishijwe mu rwego rw'iremezo Liyetena-colonel Efuremu Setako kubera ibyaha bya jenoside, ibyaha byibasiye inyokomuntu n'ibyaha by'intambara. Nubwo bwose rutongereye igihano, rwasanze ahamwa n'ikindi cyaha cy'inyongera, ari cyo cy'« ubuhotozi nk'icyaha cy'intambara ».
16.03.11 - TPIR/SETAKO - SETAKO EFUREMU MU BUJURIRE TALIKI YA 29 WERURWE
Arusha, 16 Werurwe 2011(FH)- Liyetena Koloneli Setako Efuremu wakatiwe igihano cy'igifungo cy'imyaka 25 azatangira kuburanishwa, taliki ya 29 Werurwe, mu bujurire bw' Urukiko mpanabyaha mpuzamahanga rwashyiriweho u Rwanda (TPIR) rufite icyicaro cyarwo Arusha, mu majyaruguru y'igihugu cya Tanzaniya.
06.12.10 - TPIR/HATEGEKIMANA - HATEGEKIMANA YAKATIWE IGIHANO CYO GUFUNGWA BURUNDU
Arusha, 6 Ukuboza 2010 (FH) - Urukiko mpanabyaha mpuzamahanga rwashyiriweho u Rwanda (TPIR), ku wa mbere rwakatiye igihano cyo gufungwa burundu lieutenant wo mu ngabo z'u Rwanda za kera wahamwe n'icyaha cya jenoside n'ibyaha byibasiye inyokomuntu.
29.10.10 - TPIR/KANYARUKIGA - KU WA MBERE HAZACIBWA URUBANZA RWA KABIRI KU BWICANYI BW' I NYANGE
Arusha, 29 Ukwakira 2010 (FH) - Urukiko mpanabyaha mpuzamahanga rwashyiriweho u Rwanda (TPIR) ku wa mbere ruzaca urubanza rwarwo rwa kabiri ku birebana n'ubwicanyi bwakorewe abatutsi bagera ku bihumbi bibiri bishwe mu 1994 muri Mata hagati kuri kiliziya gatolika ya Nyange, mu burengerazuba bw'u Rwanda.
01.11.10 - TPIR/KANYARUKIGA - KANYARUKIGA YAKATIWE IMYAKA 30 KUBERA UBWICANYI BW'I NYANGE
Arusha, 1 Ugushyingo 2010 (FH) - Umucuruzi Gasipari Kanyarukiga, uwa kabiri waciriwe urubanza n'urukiko mpanabyaha mpuzamahanga rwashyiriweho u Rwanda (TPIR), kubera ubwicanyi bwabereye kuri kiliziya ya Nyange (mu burengerazuba) hagati muri Mata 1994, ku wa mbere yakatiwe igihano cy'imyaka 30 y'igifungo.
13.08.10 - TPIR/NTAWUKULILYAYO - UMUCAMANZA AKAY YANYURANYIJE NA BAGENZI BE
Arusha, 13 Kanama 2010 (FH) - Mu rubanza rw'uwahoze ari superefe Dominiko Ntawukulilyayo, wakatiwe imyaka 25 y'igifungo ku itariki ya 3 Kanama, umwe mu bacamanza, umunyaturikiya Aydin Sefa Akay yafashe "icyemezo kinyuranije na bagenzi be" asobanura ko uguhamwa n'icyaha k'uwahoze ari umuyobozi kutigeze gusobanurwa ku buryo budashidikanywaho.
