Munyakazi Yusuf
28.09.11 - TPIR/MUNYAKAZI - IGIHANO CY'UMUKAMBWE MUNYAKAZI CYAREMEJWE MU BUJURIRE
Arusha, 28 Nzeri 2011 (FH) Urugereko rw'ubujurire bw'Urukiko mpanabyaha mpuzamahanga rwashyiriweho u Rwanda (TPIR) ku wa gatatu rwemeje igihano cy'igifungo cy'imyaka 25 cyakatiwe Yusufu Munyakazi mu rwego rw'iremezo kubera ibyaha bya jenoside no kurimbura imbaga nk'icyaha cyibasiye inyokomuntu. Ubwunganizi bwe bwari bwasabiye uyu mucuruzi ko yagirwa umwere mu gihe ubushinjacyaha bwamusabiraga igihano cy'igifungo cya burundu.
30.06.10 - TPIR/MUNYAKAZI - YUSUF MUNYAKAZI YAKATIWE IGIFUNGO CY'IMYAKA 25
Arusha, 30 Kamena 2010- Urukiko mpanabyaha mpuzamahanga rwashyiriweho u Rwanda (TPIR), kuri uyu wa gatatu, rwakatiye Yusuf Munyakazi, umukambwe w'imyaka 75, igihano cy'igifungo cy'imyaka 25 rumaze kumuhamya ibyaha bya jenoside n'ibindi byah bibasiye inyokomuntu birimo gushaka kurimbura ubwoko.
28.01.10 - TPIR/MUNYAKAZI - UMUKAMBWE MUNYAKAZI YASABIWE GUFUNGWA BURUNDU
Arusha, 28 Mutarama 2010 (FH) - Igihano cyo gufungwa burundu nicyo cyasabiwe kuwa kane, ukuriye mu myaka imfungwa z'Urukiko mpuzamahanga rwashyiriweho u Rwanda (TPIR), Yussuf Munyakazi, uregwa ibyaha bya jenoside n'iby'itsembatsemba.
03.12.09 - TPIR/MUNYAKAZI - MUNYAKAZI YONGEREWE IGIHE CYO GUTANGA IMYANZURO YE YA NYUMA
Arusha, 03 Ukuboza 2009 (FH) - Umurwi wunganira Yussuf Munyakazi, ukuriye mu myaka abafunzwe n'urukiko mpanabyaha mpuzamahanga rwashyiriweho u Rwanda(TPIR) wahawe iminsi irindwi y'inyongera ku gihe bari bahawe cyo gutanga imyanzuro yabo ya nyuma yanditse, nk'uko amakuru aturuka mu rukiko abivuga.
