Amakuru mashya
31.05.12 - CPI/MBARUSHIMANA - UMUSHINJACYAHA ARASHAKA GUTANGA IKINDI KIREGO KURI MBARUSHIMANA
La Haye, 31 Gicurasi 2012 (FH) – Umushinjacyaha w’Urukiko mpanabyaha mpuzamahanga (CPI) yatangaje ko afite umugambi wo gutangira Kalisiti Mbarushimana ikirego gishya kubera icyemezo cy’urugereko rw’ubujurire cyo ku itariki ya 30 Gicurasi, gishimangira icyemezo cy’abacamanza cyo kudakurikirana uregwa.
Ibiro by’umushinjacyaha byavuze ko biha agaciro icyo cyemezo bigirango bigerageze kureba niba bishoboka gutangira Mbarushimana ikirego gishya gishigiye ku bimenyetso bishya.
Ku itariki ya 16 Ukuboza 2011, urugereko rw’ibanze rwari rwakuyeho ibirego Kalisiti Mbarushimana yaregwaga, rwemeza ko « ibimenyetso byatanzwe n’ubushinjacyaha bitari bihagije ». Umunyamabanga mpuzabikorwa w’umutwe w’ingabo ziharanira demukarasi no kubohoza u Rwanda(FDLR), umutwe witwara gisilikare ufite ibirindiro byawo mu burasirazuba bwa Repubulika iharanira Demukarasi ya Kongo(RDC), yari akurikiranywe kubera ibyaha byibasiye inyokomuntu n’ibyaha byo mu ntambara byakozwe mu myaka ya 2009 na 2010.
PU/ER